Ata që kanë ende një “Galaxy Note 7”, aparate të cilat “Samsung”-u i tërhoqi nga tregu për shkak të problemeve me baterinë, mund ta ndërrojë atë në aeroport. Për arsye sigurie, aparati nuk lejohet të merret me vete gjatë udhëtimit me avion. Për këtë arsye, në aeroporte u jepet mundësia atyre që ende e posedojnë një aparat të tillë, ta ndërrojnë ose të rimbursohen para se të hipin në avion.
Kjo iniciativë është lançuar nga vetë kompania me qendër në Korenë e Jugut dhe është shtrirë menjëherë në aeroportet australiane dhe po zgjerohet në të gjithë botën.
Problemet me baterinë e “Galaxy Note 7”, e cila në shumë raste ka bërë që telefoni të merrte flakë, po i kushtojnë jo pak kompanisë “Samsung”. Kompania koreane i ka “dhuruar” deri tani rivalit “Apple” 5-6 milionë përdorues, të cilët pasi kanë kthyer smartfonin problematik, kanë blerë “iPhone 7 Plus”. Një tjetër rival që po përfiton nga ky gabim i “Samsungut” është edhe gjiganti kinez” Huawei”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
