Dyzet e katër monedha ari të pastër që datojnë në shekullin e 7-të janë gjetur të fshehura në një mur në një rezervat natyror në Izraelin verior, thonë arkeologët.
Me peshë rreth 170 g, thesari i gjetur në vendndodhjen e Hermon Stream (Banias) u fsheh gjatë pushtimit mysliman të zonës në vitin 635, vlerësuan ekspertët.
Ata thanë se gjetjet hedhin dritë mbi fundin e Perandorisë Bizantine. Perandoria Bizantine ishte gjysma lindore e Perandorisë Romake, e cila mbijetoi për më shumë se 1000 vjet.
"Ne mund të imagjinojmë pronarin duke fshehur pasurinë e tij në kërcënimin e luftës, duke shpresuar të kthehet një ditë për të marrë pronën e tij," tha Yoav Lerer, drejtor i gërmimit.
Z. Lerer shtoi se zbulimi "mund të hedhë dritë mbi ekonominë e qytetit të Banias gjatë 40 viteve të fundit të sundimit bizantin".
Përveç monedhave të arit, gërmimi në një lagje banimi të qytetit antik, zbuloi gjithashtu mbetje ndërtesash, kanale uji dhe tubacione, monedha bronzi dhe shumë më tepër, thanë autoritetet izraelite.
Dr Gabriela Bijovsky, një eksperte numizmatike (monedhe) në Autoritetin e Antikiteteve të Izraelit, tha se disa nga monedhat ishin të perandorit Fokas (602-610), por shumica ishin të pasuesit të tij Herakliut.
Banias ka një vend të veçantë në traditën e krishterë, duke qenë vendi ku thuhet se Jezusi i tha apostullit Pjetër, "në këtë shkëmb, unë do të ndërtoj kishën time".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
