Presidenti rus Vladimir Putin i konsideroi sanksionet e vendosura nga Perëndimi një mundësi për Rusinë që të forcojë sovranitetin e saj teknologjik dhe ekonomik.
“Vitet e fundit kanë treguar se aty ku perëndimorët kanë vendosur kufizime ndaj nesh, kemi fituar kompetenca të reja dhe rivendosëm të vjetrat në një nivel të ri teknologjik," tha Putin në fjalën e hapjes së takimit të tij personal me udhëheqësin bjellorus Alexander Lukashenko në Moskë.
“Kjo është një periudhë mundësie për të ecur drejt forcimit të sovranitetit teknologjik dhe ekonomik”, shtoi Putin.
Putin gjithashtu tha se beson se Rusia dhe Bjellorusia do t'i kalojnë këto vështirësi dhe madje do të “përvetësojnë më shumë kompetenca, më shumë mundësi për t'u ndjerë të pavarur, të vetëmjaftueshëm dhe përfundimisht të përfitojnë prej tyre, siç ka ndodhur në vitet e mëparshme”.
Lukashenko tha se Bjellorusia ka gjithçka që i nevojitet për të rimëkëmbur ekonominë e saj nën sanksione.
“Ne duhet të rindërtojmë ekonominë tonë. Dhe ne kemi gjithçka që na nevojitet për ta rimëkëmbur ekonominë tonë. Mund t’ia dalim pa to. Ne kemi gjithçka për të vazhduar jetën dhe punën normale”, tha presidenti bjellorus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
