Rritet presioni i brendshëm kundër Netanjahut, greva e përgjithshme në Izrael anulohet me vendim gjykate

<p>Në Izrael, kryeministri Netanjahu po përballet me një prej protestave më të mëdha, pas zbulimit të gjashtë pengjeve të reja të ekzekutuar në një tunel në Gaza.</p> <p>Mijëra protestues kanë bllokuar disa rrugë në Tel Aviv. Demonstruesit u mblodhën në rrugën Begin dhe i bënë thirrje qeverisë për marrëveshje për lirimin e të rrëmbyerve që janë ende gjallë si të burgosur të Hamasit.</p> <p>Ata akuzuan qeverinë e Netanjahut se po vepron kundër kombit. Ndërkohë, një tjetër demonstratë bllokoi trafikun në autostradën Ayalon.</p> <p>Greva është paralajmëruar të dielën nga Histadrut, sindikata më e madhe e punëtorëve, e cila tha se synon të bllokojë ekonominë e vendit.</p> <p>Kjo e detyroi sot gjykatën në Tel Avivi të urdhëronte përfundimin e grevës së përgjithshme në Izrael, &nbsp;në orën 14:30 me orën lokale, "<em>pasi dëgjoi qëndrimet e palëve</em>".</p> <p>Lajmin e bën të ditur izraelitja Ynet.</p> <p>Ndërkohë, në mbledhjen e qeverisë,&nbsp; Netanjahu e<a href="https://www.ansa.it/sito/notizie/mondo/mediooriente/2024/09/02/netanyahu-lo-sciopero-e-stato-una-vergogna_d86fa2a8-77a1-4944-a104-35505b524fef.html"> quajti grevën një turp</a> dhe sulmoi ashpër demonstruesit që dolën në rrugë.</p> <blockquote> <p><em>Ju po i thoni Sinwarit (lideri i Hamasit): ke vrarë gjashtë veta, ne këtu të mbështesim.</em></p> </blockquote> <p>Ndërkohë, presidenti i SHBA, Joe Biden, u tha gazetarëve se një marrëveshje përfundimtare për lirimin e pengjeve të mbajtura nga Hamasi në Gaza është shumë afër, por shtoi se kryeministri izraelit nuk po bën sa duhet për ta finalizuar atë.</p> <p>Të dielën, një ministër i Likud-it, e njëjta parti me kryeministrin, raportoi frikën e fortë të Benyamin Netanyahut në lidhje me protestat e mëdha kundër qeverisë.</p> <p>&nbsp;</p>