Ministria e Jashtme e Kinës ka dënuar një vizitë të zv.Presidentit të Tajvanit William Lai në Shtetet e Bashkuara të shtunën.
Në një deklaratë të bërë sot, Pekini përsëriti kundërshtimin e tij ndaj çdo forme të komunikimit diplomatik midis Uashingtonit dhe Taipeit. Lai, i cili konsiderohet një pretendent i fortë për të fituar zgjedhjet presidenciale të Tajvanit në janar, mbërriti në Nju Jork të shtunën në orët e vona.
Ai pati një ndalesë të shkurtër përpara se të nisej për në Paraguaj për të marrë pjesë në përurimin e presidentit të ri të vendit.
Në një njoftim të lëshuar nga një zëdhënës i Ministrisë së Jashtme, Pekini tha se "kundërshton me vendosmëri çdo vizitë të separatistëve të 'pavarësisë së Tajvanit' në SHBA në çfarëdo emri ose me çfarëdo preteksti". Ai shtoi mbërritja e Lai-it në Shtetet e Bashkuara “shkel seriozisht parimin Një Kinë” dhe “minon rëndë sovranitetin dhe integritetin territorial të Kinës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
