Presidenti amerikan, Joe Biden, ka emëruar Lynne M. Tracy si ambasadoren e re në Rusi.
Lajmi u konfirmua nga Shtëpia e Bardhë me anë të një deklarate. Diplomatja merr detyrën nga John Sullivan, i cili u largua nga posti në fillim të shtatorit.
Tracy ka qenë ish-ambasadore e SHBA në Armeni dhe ish-konsulente për Rusinë në Departamentin e Shtetit.
Lynne Tracy ishte zëvendës shefe e misionit në ambasadën amerikane në Moskë nga viti 2014 deri në 2017 dhe flet rusisht rrjedhshëm. Ajo ka qenë eksperte për Rusinë që nga koha kur ishte studente në Universitetin e Georgia, ku u diplomua për Studime Sovjetike.
Më tej mori një diplomë të dytë për drejtësi nga Universiteti Akron. Jashtë vendit ka mbajtur postin e zëvendës shefit të misionit në ambasadën e SHBA-së në Ashgabat, Turkmenistan, dhe si “oficere kryesore” në Peshawar, Pakistan dhe Astana, Kazakistan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
