Belgjika do të ofrojë ndihmë shtesë për Ukrainën në shumën prej 9 milionë eurosh për riparimin e infrastrukturës së dëmtuar të energjisë, njoftoi të premten ministrja belge për Bashkëpunimin për Zhvillim, Caroline Gennet.
“Infrastruktura energjetike e Ukrainës është e rrënuar dhe shumë e centralizuar, gjë që e bën atë shumë të cenueshme”, tha ministrja, cituar nga kanali televiziv RTBF.
9 milionë euro do të kanalizohen përmes Programit të Kombeve të Bashkuara për Zhvillim (UNDP), i cili ka ngritur një sistem për të blerë shpejt pjesë dhe furnizim me pajisje të reja për të riparuar infrastrukturën e dëmtuar ose të shkatërruar.
Gennet shpjegoi se, UNDP-ja përqendrohet në burimet e qëndrueshme dhe të decentralizuara të energjisë.
Sipas saj, së bashku me ndihmën ushtarake, kjo mbështetje do të ndihmojë në forcimin e stabilitetit të Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
