Grupi parlamentar i Partisë Socialiste ka miratuar me unanimitet të plotë kandidaturën e Ilir Metës për president. Pas shqyrtimit të propozimit të LSI-së, emri i Metës ka gjetur miratimin e të gjithë deputetëve të PS-së, të cilët pritet ta votojnë atë në seancën e pasdites.
Kuvendi mblidhet sot në orën 17:00 për raundin e katërt të zgjedhjes së presidentit. Pas dështimit të tre raundeve të para pa një emër, në votimin e sotëm mjafton një shumicë e thjeshtë për t’i dhënë vendin presidentin e ri.
Ndërkohë, opozita, e cila vijon bojkotin e Parlamentit dhe protestën në çadër, e ka cilësuar pazarin e radhës marrëveshjen mes PS dhe LSI që çon Metën në Presidencë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
