Një aksident i rëndë me pasojë vdekjen e një të riu dhe plagosjen e një tjetri ka ndodhur pak ditë më parë në aksin rrugor Uji i Ftohtë - Skelë, në Vlorë. Një makinë e tipit “BMV X6” ka dalë nga rruga dhe ka përfunduar në kanalin anësor të hapur për ndërtimin e Lungomares.
Ervin Dervishi, specialist i sigurisë rrugore në Drejtorinë e Përgjithshme të Policisë, thotë se rruga është në ndërtim dhe ka mungesë të sinjalistikës dhe ndriçimit. “Ky është një segment rrugor që prej gati 1 viti është në rikonstruksion. Kompania që po merret me rregullimin e rrugës është një firmë nënkontraktuale. Sipas informacioneve policore, gropa është hapur atë ditë, deri në orën 14 rruga ka qenë e devijuar. Është vendosur devijimi për të ndarë përgjegjësinë e palëve. Ndriçimi mungonte dhe nuk po e fshehim që mungonte, sepse jemi në një segment që është në ndërtim e sipër”, është shprehur Ervin Dervishi në emisionin “Opinion”. Nga ky aksident mbetën i plagosur drejtuesi Petro Bego, 21 vjeç, dhe ndërroi jetë pasagjeri Kristo Panajoti, 17 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
