Veriu i Shqipërisë është përfshirë këtë të shtunë nga reshjet e borës. Ministria e Infrastrukturës dhe Energjisë Belinda Balluku bën me dije se të gjitha akset janë aktualisht të kalueshme, dhe skuadra e ARRSH-së ndodhet në terren.
“Mirëmëngjes! Në veri ka nisur bora dhe pothuaj i gjithë vendi është nën presionin atmosferik të ulët, me shira e stuhi lokale. Skuadrat e ARRSH ndodhen në krye të detyrës, të gjitha akset janë të kalueshme”, thuhet në postimin e Ballukut, që ka publikuar një video nga Qafë-Thora.
Autoriteti Verior Rrugor Shkodër bën me dije se mbrëmjen e djeshme ka pasur shkarje gurësh në aksin Theth-Bregu i Lumit, duke bllokuar një pjesë të rrugës. Ndërkohë në territorin e bashkisë së Malësisë së Madhe nuk raportohen probleme.
Në njësinë Kastrat dhe fshatin Vermosh ka pasur ndërprerje të energjisë elektrike. Në aksin rrugor Kulla e Bajraktarit-Qafë Thorë trashësia e borës arrin në 15 cm. Rrugët janë të hapura dhe qarkullimi vijon pa probleme në territorin e Vaut të Dejës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
