Presidenti ukrainas Volodymir Zelensky ka vendosur sanksione ndaj 198 rusëve, duke përfshirë regjisorin rus të filmit Andrei Konchalovsky, prezantuesen televizive Angelina Vovk, ish-ambasadorin e Republikës Popullore të Luhanskut në Rusi, Rodion Miroshnik dhe një numër të madh të gazetarëve rusë.
Sipas nenit 107 të Kushtetutës së Ukrainës, unë dekretoj: të zbatohet rezoluta e Këshillit të Sigurisë Kombëtare dhe Mbrojtjes së Ukrainës të datës 15 janar 2023 për përdorimin e masave të veçanta personale ekonomike dhe të tjera kufizuese (sanksione).
Kështu thuhet në dekretin presidencial të postuar në faqen e internetit të zyrës presidenciale të Ukrainës të dielën, cituar nga Tass.
Dokumenti hyn në fuqi në ditën e publikimit dhe sanksionet zbatohen për 198 individë.
Së bashku me rusët, lista e zezë ka shtetas ukrainas: gazetarja dhe prezantuesja televizive Diana Panchenko, analisti politik Vasil Vakarov, shkrimtari Vladimir Sergiyenko, si dhe gazetari bjellorus Grigory Azarenon dhe drejtori i përgjithshëm i kanalit televiziv bjellorus STV Alexander Osenko.
Sanksionet vendosen për një periudhë dhjetëvjeçare dhe parashikojnë bllokimin e llogarive bankare, pezullimin e detyrimeve ekonomike dhe financiare, ndërprerjen e shkëmbimeve dhe bashkëpunimit kulturor, ndalimin e hyrjes në Ukrainë, heqjen e çmimeve shtetërore të Ukrainës, etj.
Grupi i mëparshëm i sanksioneve u vendos më 7 janar mbi 117 individë, duke përfshirë regjisorin rus të filmit Nikita Mikhalkov dhe këngëtarin pop Filipp Kirkorov.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
