Në një fjalim para Senatit, ministri i Shëndetësisë në Itali Roberto Speranza, ka njoftuar sot se në janar vendi do të ketë vaksinën e COVID-19. Sipas ministrit Italia ka në plan të bëjë falas vaksinën masive në popullatë duke nisur që nga fillimi i vitit 2021. Speranza më tej informon se shteti do të ketë në dispozicion 202 milionë doza, por fillimisht duhet dhënë miratimi i Agjencisë Europiane të Barnave.
“Më në fund shohim tokë, kemi një rrugë të qartë për në një vend të sigurtë. Duket se nga janari do të kemi vaksinat e para ”,- tha Speranza, i cili ka qartësuar se prioritet për vaksinën do të jenë punonjësit e kujdesit shëndetësor, të moshuarit dhe ata që jetojnë në azile të moshuarish.
Në këtë mënyrë Italia do të mbetet në pritje të BE-së e cila ka në plan që në dhjetor të shqyrtojë vaksinën anti COVID të Pfizer, ndërsa në janar të Moderna-s.
Ndërkohë sot Britania e Madhe dha miratimin e saj për përdorim emergjent të vaksinës në raste nevoje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
