Në Serbi, qeveria synon ta kthejë vendin në një nga lokacionet me prestigjioze dhe të preferuara për xhirimin e filmave dhe serive të huaja. Sezoni i dytë i serialit amerikan “Outpost” po xhirohet në Simanovci. Kryeministrja Ana Brnabiç thotë se që nga viti 2015, kur u miratua një sërë masash mbi Iniciativën e Prodhimit të Filmit, Serbia është bërë destinacioni më konkurrues për prodhimet e huaja.
“Ju keni dëgjuar se si të gjithë njerëzit e lavdërojnë popullin tonë, ata lavdërojnë muratorët, zogjtë dhe prodhuesit njësoj. Ne kemi njerëz të mirë, një vend me bukuri natyrore dhe kjo është një avantazh i madh për ne”, citojnë mediat serbe Brnabiç, e cila ka shtuar se ekipi i produksionit amerikan zgjodhi Serbinë para Hungarisë, Rumanisë dhe Bullgarisë.
Serbia ka përfituar investime në vlerën 5 milionë euro vetëm për regjistrimin e kësaj serie, përgjatë tetë muajve xhirime.
Brnabiç thotë se qeveria serbe është e gatshme të investojë edhe më shumë në projekte të tilla. Ajo ka specifikuar se Serbia ka investuar rreth 13 milionë euro në prodhimin e huaj që nga viti 2015, ndërsa ka marrë 80 milionë euro në buxhetin e shtetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
