Sociologu Zyhdi Dervishi duke folur në “Mcn Informacion” mbi emigrimin theksoi që shqiptarët i kanë dëbuar nga Shqipëria, pasi jemi i vetmi vend i Lindjes ku u mbyllën fabrikat dhe uzinat. Po ashtu Dervishi vuri në dukje se largimi i profesionistëve dhe intelektualëve po e varfëron shoqërinë shqiptare.
“Një pjesë e emigrantëve shqiptarë komunikimin me shoqërinë italiane e kanë vetëm përmes medias, janë shumë të margjinalizuar. Shqiptarët janë dëbuar nga Shqipëria, drejtpërdrejt ose tërthorazi. Vetëm në Shqipëri u mbyllën fabrikat dhe uzinat. Në vendet e Lindjes s’u mbyllën. Shqiptarët tani ikin më shumë nga pasiguria, dhe prindërit mendojnë për një jetë më të mirë për fëmijët e tyre. Largimi i profesionistëve e varfëron akoma më shumë shoqërinë shqiptare. Po emigron edhe aristokracia e mendimit, intelektualëve. Kjo është hemorragji që duhet ndaluar. Shoqëria shqiptare është gati-gati në gjendje kome”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
