Eksodi i refugjatëve ukrainas drejt perëndimit, vijon të rritet me kalimin e orëve. Janë rreth 836 mijë refugjatë të cilët u larguan nga konflikti në Ukrainë, deklaron Organizata e Kombeve të Bashkuara.
Shumë prej të larguarve, janë drejtuar drejt vendeve të Europës ku kanë të afërmit e tyre, ndërsa shumë të tjerë kanë gjetur strehim në mikëpritjen rumune.
Sipas komisarit të OKB për refugjatët, Kelly Clements, gjysma e të ikurve nga Ukraina, janë fëmijë, teksa paralajmëron se fluksi pritet të vijë drejt rritjes.
Ndërkohë nga të dhënat e para, Gjermania raporton se janë regjistruar 5 mijë refugjatë të ardhur nga Ukraina, të cilët duhet të aplikojnë për azil.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
