Moti i keq i orëve te fundit ka sjellë sërish probleme në njësinë administrative Lazarat ku përroi i Sopotit për shkak të prurjeve të shumta ka dalë nga shtrati, ndërsa si pasojë banorët e lagjes Lenxat kanë hasur vështirësi në lëvizje.
Punonjësit e shërbimeve publike kanë shkuar për të normalizuar situatën dhe bërë të kalueshme rrugën që lidh dy lagje në këtë fshat e cila është bllokuara nga inertet që ka sjellë ujit i përroit.
Nga ana tjetër banorët në njësinë administrative Cepo në bashkinë Gjirokastër kanë disa orë pa energji elektrike.
Kjo situatë ndodh sa herë që reshjet e shiut janë me intensitet të lartë, ndërsa ky problem disa vjeçar nuk merr zgjidhje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
