Presidenti i Filipineve, Rodrigo Duterte, ka shkaktuar sërish një lumë komentesh me deklaratën e tij të fundit. Ai i ka thënë një eksperti të të drejtave të njeriut në OKB “shko në djall”, pasi ai i tha se ishte përfshirë ngë largimin e një gjyqtareje të Gjykatës së Lartë.
Diego Garcia-Sayan, një zyrtar i OKB-së, e kritikoi Duterten pasi ky i fundit e cilësoi “armike” kryegjyqtaren Maria Lourdes Sereno-n, që refuzoi të votonte disa propozime të qeverisë. Sereno më pas u shkarkua nga detyra me shumicën e votave të Gjykatës Supreme.
Eksperti i OKB-së, Garcia-Sayan, thotë se veprimi i presidentit u çoi një mesazh të qartë të gjithë gjykatësve të Filipineve: Në luftën kundër drogës, duhet të jeni ose me mua, ose kundër meje.
Në një konferencë shtypi sot në Manila, Duterte i hodhi poshtë këto kritika, duke thënë se ekspertët e të drejtave të njeriut nuk duhet të përzihen me çështjet e brendshme të vendit. “Thuajini atij (Gardia-Sayan) të mos ndërhyjë në punët e brendshme të vendit tim. Le të shkojë në djall”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
