Në një tezgë tregu përballë një xhamie me kube blu në Kabul, thasë të mëdhenj portokalli janë mbushur me bukë të ndenjur.
Zakonisht u ushqehet kafshëve, por tani, sipas atyre që e shesin, më shumë afganë se kurrë po e hanë vetë.
Shafi Mohammed ka shitur bukë bajate për 30 vitet e fundit në tregun Pul-e-Kheshti të Kabulit. “Më parë, pesë veta e blinin këtë bukë në ditë, tani janë më shumë se 20 veta”, thotë ai.
Tregu është plot gjallëri dhe të gjithë atje me të cilët flasim ankohen për krizën ekonomike që ka përfshirë vendin. Të ardhurat mesatare janë ulur me një të tretën që nga pushtimi i talebanëve gushtin e kaluar, ndërsa çmimet e ushqimeve janë rritur ndjeshëm.
Duke kaluar nëpër thasë, Shafi Mohammed më tregon bukën më të pastër, ndonëse ende bajate, që klientët që do ta hanë vetë e kërkojnë, në krahasim me copat edhe më të vjetra, të mykura.
"Jeta e popullit afgan tani është si ajo e një zogu që është mbyllur në një kafaz pa ushqim apo ujë. I lutem Zotit që ta largojë këtë mjerim dhe varfëri nga vendi im", thotë ai.
Tani, lufta ka përfunduar, por në shumë mënyra lufta po bëhet edhe më e vështirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
