Një 38-vjeçar është arrestuar në Durrës pasi dyshohet se, duke djegur barishte, shkaktoi një zjarr që doli jashtë kontrollit dhe përfshiu një magazinë.
Sipas Policisë, shtetasi Admir Ndoja, banues në Durrës, ndezi zjarr pranë magazinës së një subjekti privat në lagjen nr. 14, me qëllim djegien e disa barishteve.
Flakët u përhapën me shpejtësi dhe përfshinë objektin, duke shkaktuar dëme të konsiderueshme materiale.
Pas veprimeve hetimore, 38-vjeçari u vu në pranga, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
