Presidentit të Koresë së Jugut, Yoon Suk Yeol iu desh të kërkonte falje për atë që e quajti “sjellje të pakujdesshme” të gruas së tij, Kim Keon Hee, duke iu referuar akuzave se ajo pranoi si dhuratë në mënyrë të paligjshme një çantë luksoze në vitin 2022.
Kjo është hera e parë që Yoon ka shprehur keqardhje për këtë çështje që kur u shfaq vitin e kaluar.
Zonja e parë u kritikua kur një video u shfaq në internet vitin e kaluar, në të cilën shihej gruaja e Yoon duke pranuar një çantë Christian Dior me vlerë rreth 3 milionë ëon (2044 euro).
Çanta u ofrua nga një pastor protestant koreano-amerikan, i cili kishte vendosur një kamerë të fshehtë mbi të.
“Kërkoj falje që u kam shkaktuar shqetësim njerëzve me sjelljen e pakujdesshme të gruas sime”, tha Yoon gjatë një konference për shtyp të enjten, për të shënuar dyvjetorin e presidencës së tij.
Presidenti tha gjithashtu se do të përmbahet nga komentet e mëtejshme për këtë çështje, pasi është duke u zhvilluar hetimi i prokurorisë për akuzat dhe komentet e tij mund të interpretohen si një përpjekje për të ndikuar në hetim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
