SPAK mbyll hetimet për sterilizimin, të hënën iu komunikohet akuza të pandehurve

Prokuroria e Posaçme Kundër Krimit të Organizuar dhe Korrupsionit, SPAK, ka përfunduar hetimet për koncesionin e sterilizimit.

Gazetari Arsen Rusta raporton për MCN Live se pas mbylljes së hetimeve, të pandehurve do iu komunikohet akuza ditën e hënë.

Kujtojmë se për këtë koncension janë vënë në pranga ish-zëvendës ministri i Shëndetësisë Klodian Rrjepaj dhe biznesmeni Ilir Rrapaj.

Zyrtarisht pritet që ish-ministri Beqaj, ish zv.ministri Rrjepaj dhe biznesmeni Rrapaj, do të merren të pandehur dhe do tu komunikohet akuza ditën e hënë.

Beqaj ndodhet në masën e sigurisë në detyrim paraqitje, ndërsa Rrjepaj dhe Rrapaj ndodhen në qeli.

Për akuzat e shpërdorimit të detyrës dhe aferës e korrupsionit, SPAK pritet të vijojë edhe hetimin pasuror me kontrollin e banesave dhe objekteve që të pandehurit përdorin.