Kuvendi i Shqipërisë ka miratuar sot me 106 vota pro dhe 10 kundër, ndryshimet kushtetuese për të prekur rregullat e garës në zgjedhjet e ardhshme.
Ndërsa gjashtë deputetë nuk kanë votuar pasi nuk ishin në sallë, tre prej të cilëve të infektuar me Covid-19. Kundër hapjes së listave votuan 10 deputetët; Artur Roshi, Adriatik Alimadhi, Gjetan Gjetani, Kujtim Gjuzi, Fatjona Dhimitri, Lefter Maliqi, Zef Shtjefni, Suzana Topi, Erjon Piciri dhe Elda Hoti.
Amendimi i nenit 64 dhe 68 të Kushtetutës krijon mundësinë e hapjes së listave, heq nga Kushtetuta koalicionet parazgjedhore si subjekt zgjedhor, si dhe vendos prag kombëtar.
Votimi i sotëm i hap rrugë hapjes së pjesshme të listave dhe një formule të re për koalicionet që do duhet të dalin në zgjedhjet e 2021-shit me një listë unike kandidatësh për deputetë.
Që do të thotë se nëse PD e LSI bashkë me partitë e tjera do bëjnë koalicion bashkë, do të duhet të dalin me një listë të përbashkët emrash kandidatësh.
Kryeministrit Ramës i duheshin 94 vota për Ndryshimet Kushtetuese por duke u dakordësuar me opozitën parlamentare, mori 106 vota.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
