Të kujdesesh për pamjen e kafshëve shtëpiake: nevojë apo çmenduri? Kjo ishte tema që u diskutua në studion e programit të mëngjesit “Zgjohu me MCN”, ku të ftuara ishin pronare qensh dhe një veterinere.
Në panel morën pjesë Mimoza Balla, shefe kuzhine dhe pronare e qenit Riki, Ilda Tafilica, stomatologe dhe pronare e qenushit Mocha, si dhe veterinerja Ornela Mebelli.
Të ftuarat theksuan se kujdesi ndaj kafshëve shtëpiake është i rëndësishëm, pasi ndikon drejtpërdrejt në mirëqenien dhe gjendjen e tyre emocionale, duke i bërë të ndihen më rehat dhe më të lumtura.
Ilda Tafilica:
Mocha është një qenush poodle, tre vjeç, të cilin e ka marrë rreth dy muaj më parë.
Për shkak të angazhimit tim profesional si stomatologe, nuk isha e fokusuar më herët në mbajtjen e një kafshe shtëpiake.
E kombinoj në veshje dhe aksesorë. Kam një sirtar të madh ku i mbaj rrobat dhe sendet e tij sipas stinës. E qeth një herë në 5–6 javë.
Xhaketa kushton rreth 40 mijë lekë dhe e mban ngrohtë.
Mimoza Balla:
Qeni im Riki, ka mbushur 19 vjeç në shtator. Fillimisht kemi pasur mace, por për të mos e lënë vetëm, vendosen të marrim edhe një qen.
Djali im e solli Rikin në shtëpi. Që në momentin e parë u dashurova me të dhe që atëherë nuk jemi ndarë më.
Mundohem te kujdesem për veshjen e tij, sepse e mban mirë.
Veterinerja Ornela Mebelli theksoi se interesimi i pronarëve për kafshët shtëpiake, veçanërisht për qentë, është në rritje.
Pronarët që i mbajnë kafshët brenda shtëpisë investojnë më shumë në veshje dhe aksesorë krahasuar me ata që i mbajnë jashtë.
Pronarët investojnë gjithnjë e më shumë për të plotësuar nevojat, dëshirat dhe ‘tekat’ e kafshëve të tyre.
Ata kujdesen edhe për higjienën orale dhe mirëqenien e përgjithshme, duke i përkëdhelur dhe trajtuar si pjesë të familjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
