Të shtëna me armë në një shkollë fillore në Teksas, 21 të vrarë

Shtetet e Bashkuara të Amerikës pësan një tronditje të madhe, si pasojë e një masakre në një shkollë fillore në Uvalde të Texas.

19 fëmijë dhe dy mësues mbetën të vrarë me gjakftohtësi nga një djalë 18-vjeçar, Salvador Ramos.

Presidenti amerikan Joe Biden, në një mesazh drejtuar qytetarëve kërkon të ndërhyhet lidhur me përdorimin e armëve.

Mund dhe duhet të bëjmë më shumë. Është momenti për ta kthyer dhimbjen në veprim.

18-vjeçari Di Ramos ishte nxënës në lice dhe pak para tragjedisë kishte bërë një postim në Instagram si formë paralajmërimi ku shkruante, “jam duke...”.

Po ashtu në profilin e tij kishte postuar selfie me fotografi armësh, ndërsa nuk dihet nëse janë të njëjtat armë të përdorura për tragjedinë. Ajo që u mësua është se i riu për ditëlindjen e tij të 18-të kishte blerë dy pushkë.

Tragjedia ndodhi dy ditë para përfundimit të vitit shkollor, në një zonë me dominim hispanikësh.

Policia tha se Ramos u vra, i qëlluar nga efektivët, pasi ai u largua nga vendi i ngjarjes dhe përplasi makinën e tij pranë shkollës. Motivi nuk ishte i qartë menjëherë dhe besohet se ai ka vepruar i vetëm.

Gutierrez tha se i dyshuari qëlloi gjyshen e tij në shtëpinë e saj në mëngjes. Ajo besohet të jetë në gjendje kritike në spital.