Një kontenier që vinte nga Ekuadori është ndaluar në Pire nga autoritetet e Doganës me ndihmën e Zyrës së DEA-s të Ambasadës Amerikane. Autoritetet vendase kanë deklaruar se, pasi vlerësuan informacionin, kryen inspektime 20-ditore në Portin e Pireut në më shumë se 150 kontejnerë.
Rezultati i inspektimeve ishte gjetja e kontejnerit, në muret e së cilës u gjetën të fshehura 30 pako me kokainë, me një peshë prej 30 kg, të cilat u konfiskuan.
Kontejneri, i cili supozohej të ishte i mbushur me “artikuj ushqimorë”, ishte ngarkuar në një anije, e cila ishte nisur më 15 nëntor nga Porti i Guayaquil në Ekuador dhe mbërriti në Portin e Pireut më 7 dhjetor.
Autoritetet po kryejnë një hetim paraprak dhe po bashkëpunohet me autoritetet përkatëse jashtë vendit, për të gjetur dhe arrestuar autorët.
Më tej, mediat greke shkruajnë se informacionet e para i çojnë te një grup i përbërë nga shqiptarë, serbë dhe malazezë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
