Një automjet shpërtheu mbrëmjen e djeshme në Fier, duke shkaktuar plagosjen e drejtuesit të saj. Ngjarja ndodhi rreth orës 23:00 në vendin e quajtur Kryqëzimi i Grecallkisë, ku automjeti tip “Benz” me targa AA270IV shpërtheu ndërkohë që ishte i parkuar.
Mësohet se shpërthimi ndodhi në momentin kur pronari i makinës, 38-vjeçari Ervin Memo, hipi në të për ta ndezur. Për pasojë, Memo mbeti i plagosur dhe u dërgua menjëherë në spital, ku ndodhet jashtë rrezikut për jetën.
Makina nuk lëvizte prej kohësh nga vendi ku ishte parkuar, pasi ishte në shitje.
38-vjeçari i plagosur nuk e përdorte atë, por herë pas here e ndizte për të evituar defektet.
Shpërthimi dyshohet se ka ardhur si pasojë e eksplozivit të vendosur në mjet. Policia po heton në disa pista. Mes tyre edhe ai i konflikteve për çështje pronësie. Sipas të dhënave të para, familja Memo ka qenë palë në disa procese gjyqësore për prona të trashëguara në qytetin e Fierit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
