Fredi Beleri nuk mungoi në takimin që kryeministri Mitsotakis zhvilloi paraditen e kësaj të marte me eurodeputetët që u shpallën fitues në zgjedhjet e së dielës.
Nga burgu i Fierit ku vuan dënimin për blerje votash, Beleri është lidhur online në videokonferencë me kolegët e tjerë që morën mandatin si përfaqësues të Demokracisë së Re. Siç duket edhe në foto, Beleri është i pozicionuar me kufje në vesh dhe me sfond dritaren e qelisë.
Një ditë më parë, Beleri u telefonua nga kryeministri Kyriakos Mitsotakis, i cili e uroi për fitoren, ndërsa theksoi edhe një herë simbolikën e fortë të kandidimit dhe mbështetjen që do të ketë nga qeveria greke në betejën për të drejtat e minoritetit grek.
Siç zbulon ministri i Jashtëm grek, Jorgos Gerapetrits, telefonatës i parapriu një test, pasi autoritetet shqiptare dëshironin të shmangnin çdo problem që mund të krijohej në komunikimin mes Mitsotakis-it dhe eurodeputetit të burgosur.
Dje kryeministri Kyriakos Mitsotakis pati një bisedë telefonike me zotin Beleri. Jam i informuar në fakt se telefonatës së Mitsotakis i parapriu një provë, pasi autoritetet e burgut nuk dëshironin që telefonata të shoqërohej me ndonjë problem që do të krijonte idenë e sabotimit në komunikim. Ndërsa dje, që herët në mëngjes, gardianët e zotit Beleri ishin më miqësorë se zakonisht. Si ndryshojnë kohët…!
Megjithatë ministri i Jashtëm grek shpreson që Shqipëria brenda këtij muaj të marrë një vendim të logjikshëm në mënyrë që Belerit të mos i mohohet e drejta e betimit në Parlamentin Europian.
"Rrethanat nuk janë shumë inkurajuese për mundësinë e pjesëmarrjes së Fredi Belerit në betimin që do të bëhet në Parlamentin Europian mes dative 16-19 korrik. Beleri është dënuar në shkallën e parë dhe pret gjykimin e Apelit. Unë besoj se do të kemi një vendim të logjikës evropiane. Shqipëria dëshiron të jetë pjesë e familjes evropiane. Duhet të ndjekë edhe rregullat evropiane. Nuk është e mundur që një deputeti të zgjedhur t'i mohohet e drejta për të marrë detyrat e tij".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
