Miliarderi Elon Musk ka sugjeruar publikisht krijimin e një force të re politike në Shtetet e Bashkuara të Amerikës, e cila do të quhej “Partia e Amerikës”, pas përplasjes së tij me Presidentin Donald Trump, me të cilin ishte bashkëpunëtor i ngushtë deri një javë më parë.
Ideja u lançua të enjten, më 5 qershor, në rrjetin social X, platformën e mediave sociale në pronësi të vetë Musk, ku miliarderi me origjinë nga Afrika e Jugut publikoi një anketë midis 220 milionë ndjekësve të tij duke pyetur nëse ishte “koha për të krijuar një parti të re politike në Shtetet e Bashkuara që përfaqëson vërtet 80% të popullsisë së moderuar”.
Mbrëmjen e djeshme, më 6 qershor, Musk vuri në dukje se 80% e votuesve kishin shprehur një mendim pozitiv, duke komentuar: “Është fati”.
Më shumë se 5.6 milionë njerëz iu përgjigjën pyetjes, ku 80.4% thanë po, krahasuar me 19.6% që thanë jo.
Më vonë Musk miratoi sugjerimin e një përdoruesi që lëvizja e re të quhet “Partia e Amerikës”, një emër i ngjashëm me atë të America Pac, komitetit të veprimit politik që Musk themeloi vitin e kaluar që ka siguruar 239 milionë dollarë për Trump dhe kandidatë të tjerë republikanë në zgjedhjet e vitit 2024.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
