Tragjedia e familjes Preka, e cila u përfshi në një aksident vdekje prurës dy ditë më parë, është thelluar akoma më tej. Një ditë pasi u përcollën për në banesën e fundit babai dhe dy fëmijët, ka ndërruar jetë edhe vajza 10-vjeçare. Noemi Preka ndodhej në gjendje të rëndë që prej pasdites së të dielës, ku makina me të cilën udhëtonte së bashku me babain, nënën, motrën dhe vëllain e vogël u përplas me një mjet tjetër në aksin Shkodër Velipojë.
Tashmë e vetmja e mbijetuar nga familja Preka është nëna e fëmijëve, 37-vjeçarja Etleva Preka.
Ajo ndodhet në gjendje të rënduar, por jashtë rrezikut për jetën.
Aksidenti i rëndë ndodhi pasditen e së dielës, rreth orës 18:00.
Familja Preka po udhëtonte në mjetin tip "Alfa Romeo" me targë AA 474 NJ, kur janë përplasur me fuoristradën me targa AA292L. Të plagosur mbetën edhe drejtuesi i mjetit tjetër dhe pasagjeri i tij, Sokol Muja dhe Ndreke Gjergji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
