Një tren turistik me 950 pasagjerë u nis nga qyteti qendror kinez i Vuhanit, dikur epiqendra e shpërthimit të koronavirusit në Kinë, për një turne rekreativ dy-ditor në Provincën Hubei të shtunën 19 shtator.
Ky ishte treni i parë turistik që u nis nga Vuhan që kur qyteti u godit rëndë nga COVID-19. Ai rifilloi shërbimin pas një pauze prej 302 ditësh.
Treni turistik do të marrë udhëtarët në qytetin historik të Xiangyang ku ata do të jenë në gjendje të vizitojnë murin e lashtë të qytetit, lumin Xiangshui dhe pika të tjera skenike historike dhe kulturore gjatë fundjavës, sipas zyrës hekurudhore të Vuhan.
Përveç masave të rregullta të parandalimit dhe kontrollit të pandemisë, byroja hekurudhore ka bërë rregullime për kohën e hipjes dhe zbritjes dhe ka hapur hyrjen e dedikuar të pasagjerëve dhe një zonë pritjeje. Shërbime të tjera përfshijnë konsultime udhëtimi, marrje fotografish dhe shërbim portier.
Më shumë itinerare të trenave turistikë do të fillojnë për të nxitur turizmin brenda Hubei dhe turizmin trans-krahinor.
Ditët e fundit në Vuhan nuk është raportuar asnjë rast me të infektuar me koronavirus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
