Ilir Alimehmeti, anëtar i Këshillit Bashkiak në Tiranë tha në studion e lajmeve të MCN TV së demokratët do të bllokojnë rrugët e kryeqytetit më 7 tetor, datë kur është planifikuar të zhvillohet protesta e opozitës.
Alimehmeti tha se nuk mund të ketë më fjalime dhe se tashmë aksioni duhet të jetë fizik.
Çfarë mund të bëhet në një vend ku fjala e lirë dënohet, ku opozitarizmi dënohet?
Nuk duhet të ketë më fjalime, nuk duhet të ketë më fjalë. Tani do aksion, dhe duhet kaluar në fizik. Meqenëse pjesa e institucionalitetit bie dhe bie për shkak të PS-së, pjesa e opozitarizmit në rrëzohet, sepse rrëzohet me vendime gjykate.
Gjykata jep “arrest me burg” kur prokuroria ka kërkuar shërbim prove. Fjalët kanë mbaruar. U bënë 6 vjet për të thënë është i rremë apo jo një vendim gjykate. Na del që qenka i rremë. Ka një heshtje shurdhuese, këta ndërkombëtarët, në 6 vite nuk e kanë parë këtë.
Data 7 tetor, ora 18:00 është protesta e PD-së. Pa fjalë tashmë, do veprojmë në mënyrë fizike.
Vendimi i Këshillit Kombëtar është për të bllokuar rrugët e Tiranës. Ky është veprim fizik. Këtë e bëri shoqëria civile disa vite më parë me rritjen e menjëhershme të çmimit të karburanteve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
