Zëvendëspresidenti Mike Pence ka paralajmëruar Kim Jong-unin e Koresë e Veriut të mos “luajë” me presidentin Trump, nëse ata takohen muajin tjetër. Pence than ë një intervistë në Fox News se një lëvizje e tillë do të ishte “një gabim i madh” nga ana e Koresë së Veriut.
Pence tha se nuk ka diskutim në lidhje me pjesëmarrjen e Trumpit në samitin e 12 qershorit.
Koreja e Veriut ka kërcënuar se do të tërhiqet nga takimi pas komenteve të këshilltarit të sigurisë, John Bolton.
Vendi komunist reagoi me ashpërsi kur Bolton la të kuptohej se modeli i Libisë do të ndiqej edhe në rastin e denuklearizimit të Koresë së Veriut.
Ish-lideri i Libisë, Muammar Gadafi, ra dakord me Perëndimin në vitim 2003 për të hequr dorë nga program bërthamor në këmbim të heqjes së sanksioneve. Tetë vjet më vonë, ai u vra nga rebelët e mbështetur nga Perëndimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
