Deri në fund të këtij muaji partitë duhet të kenë depozituar kërkesën në KQZ për t’u regjistruar për pjesëmarrje në zgjedhjet e pjesshme të 6 marsit. PD dhe PS e kanë depozituar kërkesat e tyre, ndërsa LSI ende. Lidhur me këtë çështje deputetja e LSI-së Silva Caka në studion e lajmeve në MCN TV deklaroi se për regjistrimin e subjektit të tyre ligjor dhe kandidatëve do të respektojnë afatet.
Sa i përket mundësisë për koalicion me grupin e rithemelimit, Caka tha se aktualisht nuk ka një kërkesë të tillë por siç ajo u shpreh se LSI nuk ka asnjë kundërshtim apo problem nga koalicionet duke marrë parasysh edhe situatën në të cilën ndodhet opozita.
Regjistrimi i LSI-së është çështje afatesh ligjore si subjekt ligjor. Do vazhdojmë të respektojmë afatet për regjistrim të subjekteve dhe kandidatëve për bashkinë zgjedhjet e dekretuar tashmë nga Presidenti. Anëtarët e LSI nuk kanë ndonjë kundërshtim me koalicionet në përgjithësi dhe sidomos në një situatë si kjo ku praktikisht i vetmi ishull i pa marrë nga PS ishte federata e futbollit. Kemi një situatë ku e vetmja opozitë ka mbetur LSI, kështu që ne nuk kemi ndonjë problem për koalicionet. Megjithatë kjo është një çështje që nuk është hedhur në diskutim me anëtarët e LSI. Ky proces nuk ka ardhur ende dhe nuk mund të flas. Për aq kohë sa nuk kam informacionin nuk mund të them se në cilën fazë janë dhe a ka pasur diskutime. Është situatë e pazakontë nga zhvillimet e fundit por e rëndësishme është që qoftë LSI, apo grupi rithemelimit apo aletatët e tjerë opozitar, në radhë të parë si qytetar mendoj se duhet të zgjedhim kandidatura që janë opozitare dhe jo kandidatë të sponsorizuar nga Edi Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
