Ngjarja në Lezhë, Lala: Dyshohet vetëvrasje, 25-vjeçari kishte probleme familjare

<p>Gazetarja Klodiana Lala solli disa detaje të reja në lidhje me ngjarjen e ndodhur pasditen e sotme në Lezhë, ku 25-vjeçari Romario Brunga u gjet i vrarë në makinën e tij. Lala tha se dyshimet e para janë për një vetëvrasje. Sipas saj, viktima ka pasur probleme familjare. &nbsp;&nbsp;</p> <blockquote> <p><em>Mund të jemi përpara një vetëvrasjeje. Është gjetur i qëlluar me një plumb, armën e ka pasur në dorë. Por policia nuk e përjashton kategorikisht vrasjen. Pritet akti i ekspertimit. </em></p> <p><em>Pamjet e kamerave tregojnë se ka dalë nga banesa, ka marrë makinën dhe ka ndaluar në një rrëzë mali. Policia thotë se ka pasur probleme në familje sepse babai i tij kishte braktisur nënën dhe jetonte me një grua tjetër. </em></p> <p><em>Akti i ekspertimit balistik do të hedhë më shumë dritë. Viktima rezulton pa asnjë problem të mëparshëm. </em></p> </blockquote>