Deputetja Grida Duma, e ftuara në “Arnautistan” në MCN TV, foli me tej për konceptin e kërkim faljes në politikë, dhe jo vetëm. Sipas saj, ndjesa në politikë nuk është pagesë .
“Ne jetojmë në një vend ku shumë pak njerëz thonë “më fal”, nëse ai thotë më fal, ai është i amnistuar, ndjesa nuk është pagesë”.
Në këtë kontest, sipas Dumës, Basha, tashmë ka një sfidë që të sjell ndryshime, dhe në këtë kuadër duhet të mbaj këtë peshë, e jo vetëm ta thotë atë.
“Tani Basha për ne ka një sfidë, nuk ka më provën e fjalës, në këtë moment, dhe në 2-3 vitet që do të vijnë, duhet të provojë që të sjell ndryshimin dhe risinë, është detyrë historike ti qasësh të ardhmes dhe jo të shkuarës, dhe këtë peshë duhet ta mbaj e jo vetëm ta thotë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
