Princesha norvegjeze Martha Louise është vënë nën hetim për përdorimin e titullit të saj për qëllime komerciale, përkatësisht për prezantimin e një xhini për të festuar dasmën e saj të ardhshme.
“Ne e krijuam këtë xhin për dasmën e Princeshës Martha Louise dhe Durek Verrett në Geiranger në gusht 2024”, thuhet në etiketën e xhinit të mjedrës, boronicës dhe rrushit të zi.
Por princeshës, nuk i lejohet të përdorë titullin e saj të princeshës në kontekste tregtare.
Dy vjet më parë Martha Louise hoqi dorë nga detyrat e saj zyrtare mbretërore.
Babai i saj, Mbreti Harald V, kishte vendosur që vajza e tij të mbante titullin e saj mbretëror, por ajo kishte marrë përsipër të sqaronte ndryshimin midis aktiviteteve të saj tregtare dhe rolit të një anëtari të familjes mbretërore, përfshirë heqjen dorë nga përdorimi i titullit të tij në lidhje me “veprimtaritë tregtare”.
Zëdhënësja e familjes mbretërore norvegjeze kishte folur për “një gabim”, por prodhuesi i xhin në Oslo, Handverksdestilleri (OHD) shkroi një letër, e cila thotë se çifti ishte përfshirë në procesin e dizajnimit të etiketës, duke thënë se ishte ideja e princeshës për të prodhuar një xhin për dasmën e saj dhe për ta shitur në tregun e hapur në shitësin shtetëror të alkoolit Vinmonopolet.
Në deklaratën sqaruese nga Instituti i Shëndetësisë Oyvind Giaver nga Drejtoria Norvegjeze e Shëndetësisë thuhet: “Nuk na takon ne të konfirmojmë pretendimet e bëra nga Aftenposten, por mund të konfirmoj se letra e cituar është ndër dokumentet që kemi marrë si pjesë e gjykimit. Derisa të arrijmë një përfundim në gusht/shtator, nuk mund të komentojmë më tej”.
Festimet e dasmës do të fillojnë më 29 gusht në Alesund, ku të porsamartuarit do të udhëtojnë nga deti me të ftuarit e tyre për në Geiranger.
Dasma, dy ditë më vonë, do të jetë një ngjarje private në Hotel Union me 197 dhoma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
