Video/ Indianë dhe filipinezë për punë në Shqipëri

Të ardhur nga India, Filipine dhe Indonezia kanë mbërritur në Vlorë për të punuar në sektorin e turizmit dhjetëra të huaj.

Mungesa e fuqisë punëtore ka detyruar administratorët e njësive turistike në bregdet të hedhin vështrimin drejt vendeve të huaja për fuqi punëtore.

Dhjetëra të huaj nga këto vende kanë aplikuar tashme për leje qëndrimi në drejtorinë e emigracionit Vlorë, ndërsa bëhet fjalë për kontrata pune që variojnë nga 6 muaj deri në një vit.

Ka edhe nga ata që tashmë kanë mësuar edhe fjalët e para shqip. Vetë të huajt pranojnë se do të punojnë në sektorin e turizmit, ndërsa shprehen se janë të kënaqur me atë çfarë u është ofruar për të punuar.                                       

Sinkron.   

Sektori i turizmit është përballur ndër vitet e fundit me mungesë të fuqisë punëtore në vend çka ka detyruar kompanitë të hedhin vështrimin drejt vendeve të huaja.