Zak Topuzi, kreu i Shoqatës së Operatorëve Turistikë tha përmes një lidhjeje të drejtpërdrejtë me studion e MCN Live se në fund të sezonit duhet të bëhet një rregullim ligjor sa i përket jet ski-ve apo mjeteve të ngjashme, pasi është një industri që deri më tani në Shqipëri është në fillimet e veta.
Sipas Topuzit, sa i përket aksidenteve, Shqipëria është brenda normave dhe më mirë sesa vendet e tjera të BE-së.
Ka nevojë në fund të sezonit të bëhet rregullim ligjor. Industria e turizmit të detit është një nga industritë më të rëndësishme. Ne nuk kemi akoma porte jahtesh. Njerëzit i mbajnë jo me standarde. Këto janë si rezultat i një industrie të re.
Do të ketë probleme sa të stabilizohet. Nuk i kanë njerëz që janë të specializuar, por ata që kanë para. Duhet të ketë struktura që ta kenë parësore, siç janë bizneset e tjera. Jemi brenda normave, më mirë se vendet e tjera të BE.
Topuzi tha se Kosova mbetet furnizuesi kryesor i turistëve, ndërsa bëri me dije se prenotimet janë më mirë se një vit më parë.
Gati 95% e turistëve që vijnë janë europianë, 75% janë nga Europa Lindore, 15-17% janë nga Europa Perëndimore. Mbetet Kosova furnizuesi kryesor me 38% të turistëve. Në muajin prill vendin e parë e kanë zënë italianët. Kosovës i është dhënë mundësia me vizat dhe kanë tentuar të zbulojnë vende të tjera, e kanë më të lehtë për të kaluar me Greqinë. Në muajin prill kishim 16% nga Italia dhe 13% nga Kosova.
Prenotimet janë më mirë se një vit më parë.
Nuk mund të presësh pushues cilësorë ndërkohë që 50 metra më larg ndërton.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
