Shembja e godinës ekzistuese të Teatrit Kombëtar, për t’ja lënë vendin projektit të prezantuar tashmë, përveç kundërshtimit që ka hasur nga një pjesë e madhe e kastës së aktorëve, nuk ka gjetur mbështetje as nga arkitketët. Lida Miraj, arkitekte dhe arkeologe shprehet për TemA Tv, se aprovimi i saj dhe kolegëve për shembjen, do të ishte një hap drejt mohimit të profesionit.
Ndërsa shoqata e Arkitektëve të Shqipërisë, në qendrimin zyrtar që ka mbajtur, pohon se për Tiranën është i nevojshëm ngritja e një teatri të ri, modern dhe unik në arkitekturë, por jo në vendin ku ngrihet aktualisht teatri kombëtar, të cilin ata e konsiderojnë si një vlerë historike-arkitektonike për kryeqytetin.
Nëse Qeveria do të shpallte se teatrin e ri do ta ndërtojë diku pranë bulevardit të ri, apo në tokat e ish-fushës së aviacionit, apo hapësirat e ish-Kinostudios, a diku gjetkë, pa dyshim që të gjithë do të ishim pro saj, e së bashku me ne, do të shihte gjithë aktorët e artistët ta duartrokisnin e përgëzonin duke ju vënë në krah e jo kundër, për një realizim të shpejtë. "Teatri si pjesë e kësaj historie duhet të qëndrojë, të dëshmojë epokë artistike por edhe arkitektonike".
Për çështjen e teatrit Kombëtar, deputetët e opozitës në komisionin e Medias kanë prishur rendin e ditës këtë të hënë për të kërkuar praninë dhe sqarimin e ministres së Kulturës Mirela Kumbaro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
