Vjedhja e sigurimeve është konsideruar si krim nga ministri i Brendshëm, veçanërisht informaliteti në paga.
Lidhur me këtë kreu i Konfindustrisë Gjergj Buxhuku në një lidhje skype me 'MCN Economy' u shpreh se e gjithë kjo deklaratë është një show pasi nuk i takon ministrit të Brendshëm të flasë për cëhstje të financave.
Ai tha se Shqipëria ka nevojë për reforma thelbësore për të bërë të mundur uljen e informalitetit dhe se sipas tij duhet zbatuar dhe një sistem taksash i unifikuar për bizneset.
Mendoj se në rastrin e deklarimit të fundit të ministrit të brendshëm duhet të dallojmë formën nga përmbajtja. Sa i përket formës mendoj se kemi të bëjmë më shumë me një show dhe spektakël sepse si takon ministrisë së brendshme të flasë për këtë, i takon ministrisë së financave, Hoxha se ka tagrin për një veprim të tillë.
Megjithatë nëse do e pranojmë se shprehja e tij ishte për të frikësuar bizneset mendoj se ka ngelur vetëm të bëhet akti formal që të bashkohet ministria e brendshme me atë të financave. I qëndroj faktit që të lëmë formën sepse mendoj se shprehja e tij ishte formale.
Sa i përket thelbit evazioni fiskal që bëhet me deklarimin e pagave për mua është vjedhje, nëndeklarimi i pagave praktikisht dëmton rëndë konkurrencën e bizneseve përveçse buxhetin e shtetit. Pra Shqipëria ka nevojë për reforma themelore për të ulur informalitetin në Shqipëri sepse edhe nëndeklarimi i pagave është pjesë e saj.
Duhet të kemi parasysh se informliteti në Shqipëri është në një masë shtrirje shumë të madhe dhe qeveria së pari duhet të rregullojë sistemin fiskal, ato hapësira që i detyrojnë bizneset të bëjnë nëndeklarime të pagave. Qeveria duhet të kalojë në një taksë unike të thjeshtë që të mos i nxisë bizneset që të detyrohen për këto nëndeklarime dhe kryesorja lufta ndaj informalitetit duhet parë si lufta kundër korrupsionit.
Që shteti të jetë i suksesshëm në informalitet duhet të rregullojë legjislacionin e tij. Shteti duhet të jetë i ndershëm sepse duhet të menaxhojë mirë burimet e tij financiare sepse një shtet që shpërdoron buxhetin nuk mund ti turret biznesit apo individëve.Evazioni me pagat është vetëm një grimcë krahasuar me vjedhjet në buxhet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
