Presidenti brazilian, Jair Bolsonaro, e ka kujtuar argjentino-kubanin Ernesto 'Che' Guevara me një mesazh të ashpër në Tëitter.
Duke e shoqëruar mesazhin me një fotografi të militantit revolucionar pas arrestimit të tij, Bolsonaro shkroi: "9 tetor. Vdiq në Bolivi krimineli komunist 'Che' Guevara, trashëgimia e të cilit frymëzon vetëm të margjinalizuarit, të varurit nga droga dhe llumin e krahut të majtë".
"Me fundin e tij - vazhdoi ai - komunizmi ka humbur forcën në Amerikën Latine, por është kthyer me Forumin e San Paolo (i cili bashkon personalitete të së majtës së Amerikës Latine) që ne vazhdojmë të luftojmë".
Një tjetër udhëheqës politik i Amerikës së Jugut që nuk e fshehu kënaqësinë për vrasjen e 'Che' ishte presidentja e përkohshme boliviane Jeanine Añez, sipas të cilës "me humbjen e Ernesto 'Che' Guevara, Bolivia ka treguar se asnjë lloj i diktaturës - komuniste, fashiste ose populiste - nuk do të ketë kurrë legjitimitet brenda kufijve të saj".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
