Francezët janë angazhuar në protesta masive që janë mbajtur në jo më pak se 300 qytete në të gjithë vendin. Ata protestojnë kundër reformës së pensioneve të Macron, e cila rrit moshën e daljes në pension nga 62 në 64 vjeç.
Sindikatat thonë se rreth dy milionë njerëz kanë dalë në rrugë.
Rreth 30% e stafit pedagogjik të shkollave franceze i janë bashkuar grevës kundër reformës së pensioneve, por sindikatat - në atë që po përvijohet si beteja e zakonshme e shifrave me qeverinë - po flasin për 60%.
Sindikata e gjimnazistëve flet për 400 shkolla të mesme të “mobilizuara” dhe 250 të bllokuara në vend, numri më i lartë që nga fillimi i protestave në janar. Mobilizimet dhe madje edhe përplasjet kanë nisur tashmë sonte, me bllokime rrugësh në shumë rrugë provinciale si në ditët e "jelekëve të verdhë", sindikatat po luajnë "të gjitha" për të përkulur vendosmërinë e Presidentit dhe kryeministres franceze, Elisabeth Borne. Që në orët e para, CGT ka njoftuar se të gjitha mjetet e transportit që nisen nga rafineritë janë bllokuar, një vendim që duket se paraprin vendimin për të zgjatur pafundësisht grevën, kërcënimin më të frikshëm të qeverisë. "Që qeveria të tërheqë projektin e saj - këmbënguli sekretari i CGT, Philippe Martinez, i intervistuar nga France Info - ka qenë qëllimi ynë që nga 19 janari. Përgjegjësia i takon vetëm qeverisë. Ne nuk mund të bëjmë sikur nuk e dëgjojmë zërin e qytetarëve”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
