Mbledhja e Komisionit të Ekonomisë është shoqëruar me debate mes kryetarit Erion Braçe dhe deputetit demokrat, Agron Shehaj. Deputeti i Vlorës e humbi qetësinë në momentin që kryetari Braçe tha se punonjësit e call centerave, një prej të cilëve është në pronësi të Shehajt, trajtohen në mënyrë skllavëruese. Kjo solli edhe largimin e Shehajt nga mbledhja.
Braçe: Kur merresh me xhaketën time, meqë po e kërkon është kjo. Tregojua xhaketën tënde të gjithëve.
Shehaj: Ju i quajtët skllevër bashkëpunëtorët e mi. Ti që nuk ke punuar një ditë.
Braçe: Kam punuar si kalë. Ata janë skllevër me atë rrogë që u paguan ti.
Ahmetaj: Pyete për mandatin. Ka lënë brinjët për të.
Braçe: E ka të shtrenjtë mandatin. Edhe kjo fushata nëpër rrugët e Tiranës është lënie brinjësh lart e poshtë.
Ahmetaj: Është edhe në konflikt me ligjin, po nuk e kupton. Nuk mund të jetë edhe administrator, edhe deputet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
