Një 57-vjeçar ka rënë në prangat e policisë së Vlorës pasi akuzohet se ka goditur kryetarin e Bashkisë së Selenicës, Pëllumb Binaj.
Specialistët për Hetmin e Krimeve në Stacionin e Policisë Selenicë arrestuan në flagrancë shtetasin Pellat Bonaj, 57 vjeç, banues në lagjen “Lirim”, Vlorë, pasi mbrëmjen e djeshme, dyshohet se ka goditur për shkak të detyrës shtetasin Pellumb Binaj, 66 vjeç, me detyrë Kryetar në Bashkinë Selenicë.
MCN mëson se debati ka ndodhur për linjën e furgonave Vlorë- Sevaster. Ata janë takuar në Vlorë pasi bashkia e Selenicës i ka dhënë të drejtën e ushtrimit të aktivitetit një subjekti tjetër jo subjektit që ishte në administrim nga Pellat Bonaj.
Fillimisht ata janë takuar të sqarojnë ngjarjen teksa Bonaj ka kërkuar llogari për dhënien e lejes, më pas është irrituar dhe e ka goditur në debat e sipër.
Mësohet se kishte fjalë të mëparshme mes palëve që linja e Sevasterit do ti jepej Bonajt, kjo është arsyeja përse ka agravuar debati.
Lidhur me ngjarjen, materialet i kaluan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
