Ministria për Punë të Jashtme njofton se ka thirrur ambasadorin hungarez, Laslo Duks, në lidhje situatën e ditëve të fundit për çështjen “Gruevski”.
Qëllimi i takimit ka qenë dorëzimi i një note proteste të Maqedonisë drejtuar shtetit të Hungarisë, në lidhje me kërkesën e azilit të ish-kryeministrit Nikolla Gruevski, i dënuar me dy vite burg, nën hetimet e rastit “Tanku”.
Gjatë takimit në Shkup midis ambasadorit të Hungarisë në Maqedoni Laslo Duks dhe sekretarit shtetëror në Ministri Viktor Dimovski, ky i fundit është shprehur optimist se Hungaria për këtë rast do të veprojë në frymën e marrëdhënieve të mira bilaterale si dhe vlerave evropiane.
Në këtë kontekst, pritet që Hungaria të hedh poshtë kërkesën për azil të Nikolla Gruevskit, njiherit dorëzimin e tij te organet e Maqedonisë.
Ish kryeministri maqedonas është dënuar në vendin e tij me 2 vite burg për shpërdorim detyre, ndërsa është shpallur në kërkim ndërkombëtar.
Ministria e Brendshme maqedonase firmosi urdhër arrestin për ish-kryeministrin Nikolla Gruevski, pasi ky i fundit nuk ishte në shtëpi.
Ndërkohë, Koalicioni Demokrat në Hungari sot në ndërtesën e Parlamentit në Budapest ka vendosur parullë me fotografinë e Gruevskit ku shkruhet “Gruevski emigranti VIP i Orbanit”, ndërsa fotografia është shpërndarë edhe në rrjetet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
