Zimbabveja do të vrasë 200 elefantë pasi përballet me një thatësirë të paprecedentë gjë që ka çuar në mungesa ushqimore, njoftoi Autoriteti i Kafshëve të Egra në vend.
“Vendi ka më shumë elefantë sesa duhet”, tha ministri i Mjedisit i Zimbabvesë në Parlament ditët e fundit, duke shtuar se qeveria kishte udhëzuar Autoritetin e Parqeve dhe Kafshëve të Egra të Zimbabvesë (ZimParks) të fillonte procesin e asgjësimit.
200 elefantët do të gjuhen në zonat ku ata janë përplasur me njerëzit, duke përfshirë Hwange, shtëpia e rezervatit më të madh të kafshëve të egra në Zimbabve, tha për AFP menaxheri i përgjithshëm i ZimParks, Fulton Mangwanya.
Zimbabveja është shtëpia e rreth 100 mijë elefantëve dhe ka popullsinë e dytë më të madhe të elefantëve në botë pas Botsvanës.
Falë përpjekjeve për ruajtje, Hwange është shtëpia e 65 mijë elefantvve, më shumë se katër herë kapaciteti i tij, sipas ZimParks. Zimbabveja vrau elefantët për herë të fundit në vitin 1988.
Rreth 42% e banorëve të Zimbabvesë jetojnë në varfëri, sipas vlerësimeve të OKB-së, dhe autoritetet thonë se rreth 6 milionë do të kenë nevojë për ndihmë ushqimore gjatë sezonit të varfër nga nëntori deri në mars, kur ushqimi është më i pakët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
