Hashtag.al ka publikuar sot nje dokument eskluziv ku rezulton se një kërkesë e gjyqtares Arnisa Këlliçi ka zbuluar emrin e kërcënuesit të dyshuar të saj. Sipas letrës bëhet fjalë për prokurorin Adriano Dyrmishi. Këlliçi shkruan se nga dy kërcënimet që i kanë ardhur, njëri është bërë nga prokurori në fjalë, i cili është pjesë e prokurorisë pranë Gjykatës së Shkallës së Parë Tiranë. Ajo thekson se kërcënimi në fjalë i ka ardhur në mënyrë të tërthortë përmes Kancelarit të Gjykatës dhe se ditën që ka ndodhur, prokurori Dyrmishi ka qenë në zyrën e saj. Në fund të letrës, gjyqtarja Këlliçi i kërkon prokurorisë pjesë e së cilës është Dyrmishi që të deklarojë mungesën e moskompetencës dhe dërgimin e akteve një prokurorie tjetër më të afërt.
Pak ditë më paë gjyqtarja Arnisa Këlliçi kërkoi mbrojtje të posaçme pasi i kishte ardhur në kërcënim me jetë për atë dhe familjen e saj. Kërcënimi është regjistruar gjatë një telefonate të kancelarit të Gjykatës me prokurorin e dyshuar Dyrmishi e më pas sipas Kancelarit i është përcjellë gjykatës. Kancelari i Gjykatës së Tiranës, i cili ka bërë kallëzimin ndaj një prokurori, pretendoi se prokurori kërcënoi edhe atë e familjen e tij. Ai ka mundur të regjistrojë bisedën me prokurorin ku kërcënohej edhe gjyqtarja Këlliçi. Përveç kallëzimit, Kancelari ka vënë në lëvizje edhe Inspektorin e Lartë të Drejtësisë duke kërkuar procedim disiplinor ndaj prokurorit Pas kërkesës së Këlliçit, KLGJ-ja e miratoi mbrojtjen e posaçme të gjyqtares dhe familjes së saj.
MCN TV
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
