Në kuadër të hetimeve për zbardhjen e plagosjes të ndodhur dje në hyrje të Domjes, ku u plagos me armë zjarri një 26-vjeçar është shpallur në kërkim një 32-vjeçar, i cili dyshohet se ka qëlluar me armë zjarri pistoletë, 26-vjeçarin, gjatë një konflikti për motive të dobëta.
Arrestohet vëllai i 32-vjeçarit, pasi iu gjet në banesë dhe u sekuestruan, 1 armë zjarri pistoletë, municion, 2 radio policie dhe sende të tjera të kundërligjshme.
Si i dyshuar për plagosjen u shpall në kërkim G. Mena, 32 vjeç, banues në Domje.
Gjithashtu, u arrestua vëllai i 32-vjeçarit, shtetasi Josif Mena, 36 vjeç, pasi në vijim të veprimeve hetimore, u krye kontroll në banesën e tij, ku u gjetën dhe u sekuestruan një armë zjarri, municion luftarak, dy radio policie dhe sende të tjera të kundërligjshme.
Në ngjarjen e mesditës së të enjtes në afërsi të mbikalimit të Rinasit, në Tiranë, 25-vjeçari Fabjo Arifaj u plagos me armë zjarri.
Ndërkohë me sende të forta, u plagos edhe 22-vjeçari Grisjan Latifaj i cili po ashtu ndodhet në spital.
Aktualisht nga ana e policisë po punohet për identifikimin e shtetasve të tjerë të përfshirë në këtë ngjarje dhe për dokumentimin e plotë të rrethanave të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
