Presidenti Barack Obama siguroi se Shtetet e Bashkuara të Amerikës do të vazhdojnë të mbeten “fuqia e domosdoshme” e botës dhe se Presidenti i zgjedhur, Donald Trump ia ka bërë të qartë se do ta ruajë angazhimin ndaj NATO-s.
“Në bisedat që kam pasur me Presidentin e zgjedhur ai ka shprehur interes të madh në ruajtjen e marrëdhënieve tona kryesore strategjike. Një prej mesazheve që unë do të mund t’i përcjell liderëve botërore është angazhimi i tij ndaj NATO-s dhe aleancës transatlantike”, u shpreh Obama.
Shefi i Shtëpisë së Bardhë sqaroi se ka shumë mekanizma diplomatike, ushtarake e humanitare të pushtetit të SHBA-së që e bëjnë Amerikën të nevojshme për globin, dhe ky status, sipas tij, nuk do të ndryshojë.
“Nuk ka asnjë dobësim të vullnetit kur vjen fjala tek ruajtja e një marrëdhënieje të fortë e te vendosur me NATO-n”, shtoi Presidenti në ikje i SHBA-së, transmeton TCH.
Obama iu drejtua reporterëve përpara se të linte Shtetet e Bashkuara të Amerikës për të nisur udhëtimin e jashtë kufijve në cilësinë e Presidentit, udhëtim i cili do ta çojë në Greqi, Gjermani e Peru.
Shumë prej vartësve të tij dhe liberalë anembanë vendit ende e kanë të vështirë të besojnë se karrigen e tij do ta zërë Donald Trump, karakteri shpërthyes i të cilit dhe retorikat e thyerjes se tabuve e bëjnë një figure thellësisht kontrastuese me presidentin aktual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
