Një tërmet me magnitudë 5.6 i shkallës Rihter goditi sot Islandën jugperëndimore, duke tronditur ndërtesat në kryeqytetin Reykjavik. Tërmeti u ndie në të gjithë vendin dhe ra saktësisht në orën 15:43, por fatmirësisht nuk pati dëm në njerëz.
Kjo dukuri e natyrës në Islandë rastisi edhe me punimet e parlamentit, që ndërpreu për 15 minuta seancën si pasojë e tronditjes.
Ndërkohë në një lidhje live me Uashingtonin ishte kryeministrja Katrin Jakobsdottir, e cila nga shtëpia u trondit shumë. Në momentin e tërmetit ajo u shpreh “O Zoti im”, ndërsa u mbajt pas një tavoline në shtëpinë e saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
